Күнкөрістің ең төменгі шамасы облыс бойынша орташа есеппен халықтың жан басына шаққандағы негізгі тамақ өнімдерінің ең төменгі тұтыну мөлшерінен есептеп шығарғанда, ағымдағы жылдың ақпан айында өткен аймен салыстырғанда 1,7%-ға көбейіп, 12 280 теңгені құрады (тамақ өнімдері – 7368 теңге, азық – түлік емес тауарлар және ақылы қызмет көрсету – 4912 теңге).  Оның  құрылымындағы сүт, тоң май өнімдері мен жұмыртқа сатып алуға жұмсалған шығыстардың үлесі  -    18,5 пайыз, ет пен балық – 18,7 пайыз, жемістер мен көкөністер –  9,8 пайыз, нан өнімдері – 10,2  пайыз, қант, шай, және дәмдеуіштер – 2,8 пайыз болды.