2010 жылдың ақпан айында өткен аймен салыстырғанда азық-түлік тауарлары 1,3 пайызға, азық-түлік емес тауарлары – 0,8 пайызға, ал ақылы қызмет бағалары мен тарифтері өзгеріссіз қалды.
Азық-түлік тауарлары ішінде қант бағасы 2,6 пайызға,  шай – 2,1 пайызға, сүт өнімдері – 1,1 пайызға, оның ішінде жаңа сауылған сүт - 3 пайызға,  көтерілді.
Ет және ет өнімдерінің бағасы 2,1 пайызға, оның ішінде сиыр етінің бағасы 4,5 пайызға, жылқы еті – 1,3 пайызға қымбаттады.
Жаңа піскен жемістер мен көкөністер бағасының өсімі 2,2 пайызды құрады. 
Азық-түлік емес  тауарларының ішінде кілемдер және еденге арналған басқа да жабындар бағасы 2,9 пайызға, жихаздар, үйге қажетті заттар және тұрмыстық құралдар – 1,3 пайыздан, киім және аяқ киім – 1,2 пайызға жоғарылады. Бензин бағасының  өсімі 0,5 пайызды  құрады.
Ақылы қызмет көрсету қызметінің бағалары мен тарифтері өзгеріссіз қалды.